Ministri i Drejtësisë, Ylli Manjani dhe Ministri i Financave, Arben Ahmetaj nënshkruan sot udhëzimin e përbashkët ”Për procedurat e zbatimit të ligjit nr.81/2016 “Për rivlerësimin e pasurive të paluajtshme”.
Ministri Manjani kërkoi botimin e menjëhershëm të aktit dhe në këtë mënyrë ky udhëzim dërgohet për botim në fletoren zyrtare, duke bërë të mundur zbatimin në praktikë të ligjit për procesin e rivlerësimit të pasurive të paluajtshme.
Nga dita e nesërme ky udhëzim është i zbatueshëm për çdo Zyrë Vendore të Regjistrimit të Pasurive, të cilat janë institucionet që do të shqyrtojnë të gjitha kërkesat dhe aplikimet për këtë mundësi dhe shërbim për rivlerësimin e pasurive.
