Louisiana: Dhjetëra mijëra njerëz shpëtohen nga vërshimet

Amerika

Louisiana: Dhjetëra mijëra njerëz shpëtohen nga vërshimet

Më: 15 gusht 2016 Në ora: 07:58
Louisiana

Guvernatori i shtetit jugor amerikan të Louisianas ka thënë se mbi 10 mijë njerëz janë nëpëër strehimore dhe mbi 20 mijë njerëz janë shpëtuar në tërë shtetin nga vërshimet që e kanë goditur këtë shtet.

John Bel Edwards ka thënë mbrëmë se objektet e mëdha në Baton Rouge, kryeqyteti i këtij shtetit federal, do të mbahen të hapura që të pranojnë personat e evakuuar.

Edwards ka thënë se presidenti Barack Obama e ka thirrur në telefon dhe i ka thënë se “populli i Louisianas jugore janë në lutjet e tij dhe se qeveria federale do të jetë një partner solid”.

Qeveria federale tashmë e ka deklaruar gjendjen e katastrofës së madhe në katër komuna pas vërshimeve. Vërshimet e kanë goditur një pjesë të këtij shteti pas të reshurav të pandërprera gjatë tërë javës.

Sot mund të lexoni Shfletoni kopertinat