Kryeministri Edi Rama deklaroi sot se reforma në drejtësi u miratua në Parlament me 140 vota falë tre faktorëve të rëndësishëm, që sipas tij janë presioni i popullit, presioni i SHBA-BE ndaj disa deputetëve që nuk donin reformën dhe së fundmi nga kurajo e këtyre deputetëve që nuk donin reformën.
Duke folur në pritjen e organizuar nga Fatmir Xhafaj në Pallatin e Brigadave, me rastin e miratimit me konsensus të kësaj reforme, Kryeministri theksoi se kjo reformë që tashmë u votua, tashmë nuk e ndal asgjë.
“Reforma u votua me 100% të votave të deputetëve falë tre faktorëve themelorë:
Së pari presioni i vullnetit popullor me bashkëpunimin e shumicën qeverisëse
Së dyti presioni i pazakonshëm i aleatëve strategjikë ndaj një blloku antireformë
Dhe së treti kurajo e atyre brenda bllokut.
Mirënjohje të gjithëve dhe shumë faleminderit për një proces që vazhdon, por me një sukses që premton shumë”, tha ndër të tjera Kryeministri Edi Rama.
