Kryeministri Edi Rama ka qenë i pari që ka reaguar për sulmin që shkaktoi 9 viktima në Mynih të Gjermanisë. Në një postim në rrjetin social Facebook, shefi i qeverisë shqiptare shkruan: “Trishtim i thellë për jetët e humbura në sulmin barbar të Mynihut mes të cilave edhe jetë shqiptarësh! Solidaritet me Gjermaninë mike”.
Tre të rinj shqiptarë nga Kosova janë vrarë gjet këtij sulmi, që ndodhi mbrëmjen e së premtes, ndërsa një 14-vjeçar ka mbetur i plagosur. Autori i sulmit, një 18-vjeçar iranian, vrau veten me plumb në kokë pas masakrës.
Meta: Lufta ndaj së keqes duhet të na bashkojë
Edhe kreu i Kuvendit, Ilir Meta ka reaguar për sulmet në Mynih. Në mesazhin e tij të ngushëllimit, theksohet se është koha të reflektojmë e të veprojmë bashkë ndaj së keqes.
“Ndaj dhimbjen e thellë për jetët e humbura në Mynih. Terrorizmi goditi përsëri. Lufta ndaj së keqes duhet të na bashkojë më shumë. Është koha të reflektojmë e të veprojmë bashkë ndaj së keqes”.