Marcelo Bielsa ka shkëputur kontratën me Lazion, vetëm dy ditë pas zyrtarizimit si trajner i klubit italian.
Nuk quhet kot ‘i çmenduri’. Bielsa ka befasuar të gjithë duke dhënë dorëheqje nga Lazio ende pa e nisur punën mirë në klub.
Ky gjest i ish-trajnerit të Olympique Marseille nuk i ka pëlqyer aspak drejtuesve të klubit të cilët kanë paralajmëruar të marrin masa ligjore ndaj tij.
“Duam të ju njoftojmë se jemi të shokuar nga dorëheqja e Marcelo Bielsas, i cili ka bërë një shkelje të rëndë duke e prishur marrëveshjen e nënshkruar para vetëm disa ditëve”.
“Klubi do ta përdorë të drejtën për të marrë të gjitha masat e nevojshme për të ruajtur të drejtat e tij, ndërsa udhëheqjen e skuadrës në fazën përgatitore do t’ia besojmë Simone Inzaghit”, thuhet në njoftimin e Lazios.
