Presidenti i Republikës, Bujar Nishani ka nisur konsultimet me partitë politike për anëtarët e rinj të Gjykatës Kushtetuese.
Takimi ka nisur me kryetarin e grupit parlamentar të Partisë Socialiste, Gramoz Ruçi për të vijuar gjatë ditës me takimet me krerët e grupeve parlamentare të partive politike.
Megjithëse kreu i Shtetit i ka zhvilluar edhe më herët takime të tilla konsultative, mazhoranca nuk i ka miratuar kandidaturat për anëtarë të Gjykatës Kushtetuese apo të Gjykatës së Lartë, me pretendimin se nuk ka pasur konsultime për emra konkrete, por për procesin në tërësi.