Historia e gjobëvënieve në vendin tonë është më e thellë nga sa duket dhe prek edhe adoleshentët.
Para disa ditësh, policia njoftoi shkurt se kishte arrestuar dy adoleshentë, një 18 dhe një 19-vjeçar, pasi kishin gjobitur një 17-vjeçar, duke i marrë 26 mijë euro.
Por historia ka nisur të zbardhet.
17-vjeçari i gjobitur është E.B., djali i një ish-deputeti demokrat.
Viktima ishte prej 5 muajsh nën presionin e vazhdueshëm të Luan Lamës, 19 vjeç dhe të R. Ademajt, 18 vjeç.
Nën kërcënimin e vazhdueshëm ata i kishin marrë atij 26 mijë euro dhe prisnin t’i merrnin edhe 3 mijë euro.
Por ngjarja është zbuluar kur prindërit e 17-vjeçarit kanë vënë re se paratë mungonin në kasafortën e familjes.
Ata kanë bërë një kallëzim në polici dhe dorëzimi i 3 mijë eurove të fundit në një bar në lagjen e 17-vjeçarit është bërë nën vëzhgimin e policisë.
Në momentin që po tentonin të merrnin shumën, të rinjtë janë arrestuar.
Gjykata e Krimeve të Rënda i ka lënë në burg të dyshuarit, që rrezikojnë shumë me këtë akuzë.