Policia e Shtetit, disa ditë më parë, gjobiti makinat e një biznesmeni në Tiranë sepse, sipas policisë ishin parkuar gabim.
Madje, për këtë arsye ai u shoqërua në polici, ku u mbajtë për disa orë në ambientet e komisariatit nr 6.
Por, policia ka dy standarde kur vjen fjala për makinat e deputetëve të Kuvendit të Shqipërisë.
Është e njëjta situatë që përsërit çdo të enjte, ditë kjo kur Parlamenti zhvillon punimet.
Deputetët i parkojnë makinat ku të gjejnë një hapësirë boshe, pa u shqetësuar fare nëse është troutuar apo bllokon rrugën, dhe kjo gjë ndodh në vëzhgimin e plotë të policisë.
Nëse duhet që të krenohemi me Policinë e Shtetit, atëherë ajo të mos veprojë me dy standarde.
