Kreu i Frymës së Re Demokratike, Bamir Topi, i konsideron joseriozë zërat e ardhur nga Partia Demokratike për një bashkëpunim të mundshëm me partinë e tij.
“Sa herë është pyetur kryetari i partisë nga e cila vijnë këto deklarata, ai gjithmonë ka mbajtur një pozicion në heshtje. Kështu që, duke qenë të tilla, unë i marr si të tilla. Që do të thotë, janë deklarata të ditës dhe nuk i konsideroj deklarata serioze”, deklaroi Topi në një intervistë për TCH.
Duke qëndruar te Partia Demokratike, Topi thotë se “kushdo që mendon se do të shkojë në inercinë e një politike të vjetër, nuk ka të ardhme”.
Kreu i FRD-së ka komentuar edhe bashkëpunimin me Partinë Socialiste.
“Unë e kam shprehur edhe herë të tjera, është një bashkëpunim në kuadrin e pushtetit vendor, ekskluzivisht në këtë linjë. Nuk besoj që ka shkuar aty ku ne kemi menduar, por gjithsesi funksionon në mënyrë të limituar”, tha Topi.
