Sekretari amerikan i Shtetit John Kerry, i cili më 14 shkurt do të vizitojë Tiranën për disa orë, do të pritet në aeroportin “Nënë Tereza” nga Presidenti Bujar Nishani.
Lajmi konfirmohet nga burime zyrtare të Presidencës, sipas të cilave Kreu i Shtetit do të zhvillojë edhe një takim me zyrtarin e lartë të SHBA-së.
Në vizitën e tij 3 orëshe në Tiranë, Sekretari Kerry do të takohet me Kryeministrin Rama dhe kreun e PD-së Basha, ndërsa në agjendën e tij nuk ka një takim me Kryetarin e Kuvendit Ilir Meta.
