Në një kohë kur debati për reformën zgjedhore është hapur prej disa ditësh, 45 parti të vogla kërkojnë ndryshim të sistemit aktual.
Në draftin i cili përmban 6 propozime i hartuar nga partitë e vogla kërkohet sistem me korrektim mazhoritar kombëtar për të mundësuar përfaqësim real të votës së qytetarëve.
Eduard Abazi: Sistem me korrektim kombëtar për të mundësuar përfaqësimin real të votës së shqiptarëve, administrim të proçesit në të gjitha nivelet me komisionerë teknik dhe jo militantë të forcave politike, përdorim të teknologjisë në proçesin e votimit dhe numërimit, financimi i fushatave nga fondi i shtetit, mbulim mediatik sa më racional për subjektet garues, gjithçka në vlerësimin dhe barazimin e votës së shqiptarëve pavarësisht vendit se ku ata jetojnë.
Drafti me propozimet e partive të vogla shumë shpejt pritet ti dorëzohet Komisionit të Posaçëm të Reformës Zgjedhore si edhe ndërkombëtarëve.
