Kryetari i Bashkisë Kukës Bashkim Shehu priti sot Drejtorin e Përgjithshëm të Ujësjellës Kanalizimeve, Ardian Alushi.
Në këtë takim u bë e ditur nisja e fazës së dytë të punimeve për ndërtimin e Ujësjellësit të Kukësit.
Kryetari Shehu theksoi se ky investim që nis sot do të zgjidhë problemin e furnizimit me ujë të pijshëm për qytetin dhe 14 fshatra.
Shehu duke e vlerësuar si moment të shumë të rëndësishëm fillimin e punimeve u shpreh se “kjo fazë e punimeve do të shfrytëzojë të gjitha burimet për të sjellë ujë maksimalisht në çesmat e banorëve kuksianë.
Vlera e këtij investimi kap shifrën e mbi 186 milionë lekë të reja dhe afati i përfundimit të punimeve është 12 muaj.
