PD i rikthehet akuzave ndaj Ramës për Skavicën: U tërhoq nga afera korruptive për Skavicën pas presionit të opozitës

Shqipëria

PD i rikthehet akuzave ndaj Ramës për Skavicën: U tërhoq nga afera korruptive për Skavicën pas presionit të opozitës

Më: 5 shkurt 2016 Në ora: 14:20

Partia Demokratike i është rikthyer akuzave në drejtim të Kryeministrit Edi Rama në lidhje me atë që e konsideron aferën korruptive me firmën turke për Skavicën. Sekretari Organizativ në PS, Enno Bozdo, tha se të kapur në mashtrim, paligjshmëri e korrupsion me aferën Skavica, qeveritarët kundërshtojnë njëri tjetrin, ose më sakte njëra palë i kundërvihet palës tjetër.

“Dje Gjiknuri doli kundër Rames. Opinioni publik e pa qartë aferën korruptive që kjo qeveri donte të ndërmerrte me Skavicen, pasurinë më të madhe të shqiptarëve. Si rezultat i denoncimeve të Partisë Demokratike dhe presionit publik, qeveria u tërhoq dhe pranoi më në fund se ajo ka në dispozicion një studim profesionist të vitit 2009.

Ky studim percakton qartë cili është opsioni më i mirë për të ndërtuar Skavicen, në dobi të interesit publik. Në këto kushte, e gjithë procedura e marrjes ne konsiderate të studimit të kompanisë Syzer dhe dhënia e bonusit kësaj kompanie, pa transparencë por si rezultat i bisedimeve sekrete, del qarte që është një korrupsion i pastër.

Përse Rama pranoi, dhe i dha bonus studimit të Syzer mbi Skavicen, duke e paracaktuar si fituese, kur kishte ne dispozicion një studim profesional që prej vitit 2009?

Përse qeveria detyrohet tashme të pranojë se ekziston një studim i tillë, kur e kishte dhe e mbajti të fshehur, për të vazhduar me aferën e saj?

Si është e mundur që Rama pranoi një ofertë nga kompania Syzer, ndërsa studimi i plotë për Skavicen ishte ne sirtarin e ministrit Gjiknuri?

A e dinte Rama se Gjiknuri kishte ne dispozicion nje studim te mirefillte? Nqs po, perse ndermorri bisedime te fshehta me Syzer? A e dinte Rama se eshte e paligjshme te pranosh nje propozim të pakërkuar, kur qeveria ka në dispozicion një studim të mirefillte?

Ne këto kushte, Partia Demokratike kërkon të shfuqizohet Vendimi që i ka dhënë bonus prej 8 pikesh klompanise Syzer. Kërkojmë një hetim administrativ të mirëfillte, për të zbardhur këtë aferë korruptive. Ministri Gjiknuri duhet të mbaje përgjegjësi për fshehjen e studimit mbi Skavicën. Asnjë pazar me Skavicën nuk do të pranohet. Skavica është dhe do te mbetet pasuri publike”, tha Bozdo.

Sot mund të lexoni Shfletoni kopertinat