Kreu i Shtetit shqiptar Bujar Nishani mori pjesë gjatë paradites në ceremoninë zyrtare kushtuar 103-vjetorit të Pavarësisë, të zhvilluar në Sheshin e Flamurit dhe Monumentit të Pavarësisë në qytetin historik të Vlorës.
Në prani të Presidentit të Republikës dhe krerëve më të lartë të shtetit shqiptar, në Sheshin e Flamurit u ngrit Flamuri Kombëtar dhe më pas, personalitetet më të larta shtetërore zhvilluan homazhe dhe vendosën kurora me lule në varrin e Ismail Qemalit.