Një grup ish të përndjekurish janë përplasur me policinë gjatë një proteste të zhvilluar para selisë së Kuvendit të Shqipërisë.
Shkak për përplasjen u bë tentativa e ish të përndjekurve për të hyrë në oborrin e Parlamentit, ndërsa policia kishte vendosur një kordon sigurie. Protesta e ish të përndjekurve u zhvillua në një kohë kur Kuvendi po diskutonte pr/ligjin për dekriminalizimin, i miratuar me konsensus në Komisionin e Posacëm Parlamentar.
Policia ka shoqëruar një nga ish të përndjekurit, ndërsa ky veprim është kundërshtuar nga protestuesit. Mësohet se personi i shoqëruar është dërguar në mjediset e Komisariatit nr 1, ndërsa ish të përndjekurit zhvendosën protestën e tyre para godinës së policisë.
