Shkeljet në detyrë, shkarkohet drejtori i Burgut të Bëncës

Shqipëria

Shkeljet në detyrë, shkarkohet drejtori i Burgut të Bëncës

Më: 25 nëntor 2015 Në ora: 12:29

Drejtoria e Pergjithshme e Burgjeve njofton, se dje është shkarkuar nga detyra Drejtori i IEVP Tepelenë (Bënçë), Avni Sula. Sipas një njoftimi zyrtar nga Drejtoria e Përgjithshme e Burgjeve, masa është dhënë pas një inspektimi të kryer së fundmi në këtë institucion dhe shkeljeve të konstatuara nga grupi i inspektimit të DPB. “Shkarkimi u bë me motivacionin "Shkelje në detyrë" të kryera nga ana e drejtorit Sula, në menaxhimin jo të duhur të punës në Institucionin e Ekzekutimit të Vendimeve Penale Bënçë, Tepelenë”, thuhet në njoftimin për mediat.

Shkarkimi vjen një ditë pas mbledhjes së thirrur nga Ministri i Drejtësisë me të gjithë drejtuesit e sistemit të burgjeve, ku mes të tjerash Ylli Manjani u kërkoi atyre shërbim me transparencë, në të kundërt masa të ashpra do të merreshin ne vazhdim. Ai u kujtoi drejtuesve, se nuk do të ketë tolerancë për askënd që shkel ligjin dhe se për këtë ka mbështetjen e kreut të Qeverisë Shqiptare dhe kreut të Parlamentit.

Ndërsa Drejtori i Përgjithshëm i Burgjeve, Artur Zoto, theksoi në fjalën e tij gjatë mbledhjes, se monitorimi i burgjeve do të intensifikohet më tej, ndaj zbatimi i detyrave duhet të mos neglizhohet nga askush dhe për asnjë arsye.

Sot mund të lexoni Shfletoni kopertinat