Kryetari i Parlamentit shqiptar, Ilir Meta, ndodhet në kryeqytetin italian Romë për një vizitë 3 ditore punë.
Në ditën e parë të qëndrimitm, Meta është takuar me kryetarin e SIOI, Enti Italian për Organizimin Ndërkombëtar, Franco Frattini, ish-Ministër i Jashtëm i Italisë.
Kjo organizatë, anëtarë e OKB, ka për qëllim institucional formimin diplomatik e ndërkombëtar, studimin e çështjeve të karakterit ndërkombtar , zhvillimin e marrëdhënieve europiane e mbrojtjen e të drejtave të njeriut.
Më pas kryeparlamentari Meta është takuar me kryetaren e Dhomës së deputetëve të parlamentit italian, Laura Boldrini.
Integrimi i Shqipërisë në Bashkimi Europian, rrugëzbatimi i reformave të rekomanduara nga BE, problematika e emigracionit, situata ndërkombëtare e impenjimi i përbashkët në luftën kundër terrorizmit kanë qenë disa nga temat kryesore të këtyre takimeve.
Italia është partneri kryesor strategjik në integrimin e Shipërisë në BE, e investitori i parë ekonomik në këtë vend.
Gjatë ditës së dytë të qëndrimit të tij në Romë, kreu i Parlaemntit shqiptar do të takohet me Kryetarin e Dhomës së Senatit Italian, Pietro Grasso.
Më datën 26 nëntor kryeparlamentari Meta do të marrë pjesë në Konferencën “Integrimi i Shqipërisë në BE, mes reformash, sfidash e mundësish”, organizuar nga Ambasada e Shqipërisë në Romë në bashkëpunim me Universitetin La Sapienza.
