Ish-kryeministri Sali Berisha ka zhvilluar një takim me Ambasadorin amerikan në Tiranë, Donald Lu, si
dhe kreun e misionit OPDAT, Jon Simbert.
Reforma në drejtësi ka qenë fokus i takimit, ndërsa përfaqësuesi i OPDAT ka bërë një ekspoze të saj.
Lidhur me të, ish-kryeministri ka theksuar se është jetike për vendin dhe duhet bazuar në rritjen e transparencës.
“Reforma në drejtësi është jetike për vendin. Reforma të bazohet në rritjen e transparencës. Të zhvillohet debat me të gjitha grupet e interesit. Faleminderit SHBA për mbështetjen ndaj procesit të dekriminalizimit. Edhe ky proces, jetik për vendin”, ka thënë Berisha.