Rama nuk kontrollon veten e tij! Kështu shkruan ish-Kryeministri Sali Berisha në një koment në Facebook duke sqaruar momentin kur ai dhe Kryeministri Edi Rama qëndruan në foltoren e Kuvendit bashkarisht. Berisha sqaron se Rama i qëndronte pranë si padigard, por në të vërtetë ai kishte qëllim të pengonte fjalën e tij.
“Të dashur miq, në të gjitha mediat qarkulloi si foto lajm momenti kur unë po flisja në foltoren e Parlamentit dhe Edi Rama qëndronte në këmbë pranë meje sikur të ishte badiguard i imi por që në të vërtetë përpiqej të pengonte fjalën time.
Dua të sqaroj me këtë rast opinionin, se unë, në përputhje me rregulloren e Parlamentit e cila parashikon të drejtën e përgjigjes për deputetin kur atij i përmendet emri, kërkova fjalën për t'ju përgjigjur trillimeve që bëri ndaj meje zëdhënësi i Ramës për energjinë, Gjiknuri. Ndërkohë që unë, në përputhje me regulloren u ngrita të marrë fjalën, Rama në shkelje të rëndë të rregullores u ngrit për të marrë fjalën jo për përgjigje por për diskutim, pra të më pengonte në të drejtën e përgjigjes.
Kështu që une isha dje në kohën time ligjore dhe kur arrita në foltore i thashe "shko e ulu mos rri këtu si badiguardi im", por ai qendroi në këmbë pasi kishte humbur kontrollin dhe nuk kuptonte se po bënte një bruto figurë!!”, shkruan Berisha.
