Pak minuta pas përfundimit të takimit mes Ramës dhe Metës, në zyrën e Kryetarit të Kuvendit ka mbërritur ministri i Drejtësisë, Nasip Naço.
Ky ka taklim ka zgjatur jo më shumë se 30 minuta por edhe pas tij nuk ka patur prononcime për mediat, duke e lënë të pa zbardhur dilemën politike të këtyre takimeve.
Por dy mund të jenë arsyet e këtij takimi të mënjehershëm. Njëra ka të bëjë me ndryshimet në qeveri, ku ka zëra se Saimir Tahiri mund të spostohet në karrigen e Nasip Naços.
Tjetra ka të bëjë me tratativat për një marrëveshje mbi paketën e Reformës në Drejtesi ndërmjet Edi Ramës dhe Ilir Metës, duke lënë jashtë opozitën.
Para këtij takimi, Kryeministri Edi Rama dhe Kryetari i Kuvendit, Ilir Meta zhvilluan një takim në Kryesinë e Kuvendit.
Takimi i dy liderëve të koalicionit qeverisës erdhi pas kthimit të Ramës nga vizita 1-javore në SHBA dhe kur po flitet për një krisje të mazhorancës.
Në përfundim të takimit nuk pati asnjë prononcim mbi atë çfarë u diskutua në këtë takim.
Rama pas takimit ka dalë sërish në këmbë dhe është drejtuar për në zyrën e tij në Kryeministri.
Gazetarëve të pranishëm ai iu drejtuar me fjalët: “Meritoni një fundjavë të qetë”.
