Deputeti i Partisë Demokratike për Qarkun e Beratit, Astrit Veliaj nuk do të jetë më i akuzuar për ndërtim paleje.
Veliaj pritet t’i shpëtojë akuzës së “Ndërtimit të Paligjshëm”, lidhur me ndërtimin e kampusit universitar në qytetin e Fierit për shkak të ndryshimit të kuadrit ligjor nga mazhoranca.
Kjo akuzë shumë shpejt pritet të tërhiqet në Gjykatën e Lartë nga vetë përfaqësuesit e Prokurorisë së Përgjithshme, pasi me miratimin e amnistisë nga parlamenti për ndërtuesit e paligjshëm, prokuroria ka analizuar se përfitues nga kjo amnisti rezulton të jetë dhe deputeti i opozitës.