Erjon Brace, deputeti i Partisë Socialiste, duket se ka marrë përsipër të sulmojë cdo politikan brenda dhe jashtë vendit. Këtë rradhë Brace ka vënë në shënjestrën e tij eurodeputeten Doris Pack për mbështetjen që ajo i ka dhënë kreut demokrat Lulzim Basha, si dhe për deklarimet e saj në lidhje me lidhjet e politikës me krimin. Madje Brace e nis me ironi komentin e tij ndaj europarlamentares, duke vënë në dukje dëshirën e zjarrtë të saj për të qenë pranë apo ngucur të rinjtë.
"Më kish marrë malli për Doris Pack!! Sapo e pashë, ishte shëndoshë e mirë, pak më e moshuar por me dëshirën e flaktë, atë të zakonshmen e të njohur tashmë në këto anë, për të qenë pranë apo ngucur të rinjve!!
Këtë herë ka Bashën! Përtej kësaj më kish marrë malli për të folurën e saj; Është kështu, ndoshta mund të mos jetë kështu por patjetër që është ashtu!! Turp e faqja e zezë dhe, ankohem për simotrën e saj Saliun pastaj. Pasionare Doris;
Meqë fole për pushtetare të akuzuar, ndoshta edhe të dënuar por ndoshta edhe jo të denuar, por kriminelë me Ramën, me lejo te të them:
Cuni të cilit i dole për zot sot, tamam ai Lulzimi i krehur e vajisur, është i akuzuar zyrtarisht nga Prokuroria e Republikës, i pagjykuar, për shkak se ishte me raport mjekësor deri ditën që rimori imunitetin por me siguri keqbërës dhe me cështje të pambyllur!
E dinë të gjithë këtë përvec teje! Ti a e kupton cdo të thotë kjo?. Tani bëje atë thirrjen proletare për të mbrojtur Lulzim Bashen!Tani bëje atë thirrjen proletare për të mbrojtur Lulzim Bashën!”, shkruan Brace.