Ka qenë thuajse kryelajmi i javës vendosja e disa tualeteve publike lëvizëse në kryqytet, si dhe gjobitja e individëve që vazhdojnë të urinojnë nëpër cepat e metropolit, shoqëruar me një fushatë denigruese nga ana e bashkisë, e cila iu ka servirur disa mediave emrat dhe fytyrat e kundravajtësve.
Por ndërkohë, nuk ka munguar edhe një gjest i ashpër sulmi ndaj kryetarit të bashkisë Erion Veliaj.
Në shembullin e MJAFT-it të dikurshëm, dikush ka vendosur nëpër kabinat e tuletëve apo ato të ujit fytyrën e Veliajt si dhe një të shkruar “pështy këtu”.
Nuk dihet ende se kush e ka ndërmarrë këtë aksion.
Por ajo që është e sigurt, është se personi apo grupi që e kanë bërë, kanë qenë të shtyrë nga një mllef dhe dëshirë e lartë hakmarrjeje apo revanshi.