Bashkia e Tiranës ndërmerr hapat për t’i rikthyer identitetin Monumentit të Pavarësisë.
Mëngjesin e sotëm, 2 gusht 2015, punonjës të Bashkisë kanë nisur punën në terren me qëllim ndalimin e degradimit të këtij monumenti, i cili u kthye në epiqendër të hajdutëve të skrapit dhe herë- herë në banjo publike.
Punonjësit e Bashkisë do punojnë për të rregulluar pjesët e amortizuara dhe për të fshirë mbishkrimet.
Vendimi u mor dje dhe sot nisi puna.
Restaurimi do të zgjasë disa ditë.
Vetë kryetari i bashkisë, Erion Veliaj do të jetë i pranishëm pasditen e sotme për të ndjekur mbarëvajtjen e punës.
Monumenti i vendosur në qendër të Tiranës me rastin e 100 vjetorit të Shpalljes së Pavarësisë ka pësuar dëmtime të mëdha brenda 3 vitesh.
