Banka e Shqipërisë ka urdhëruar bankat tregtare që të mos transferojnë asnjë lekë në “mëmat” e tyre pas rëndimit të situatës ekonomike në Greqi.
Guvernatori Sejko tha para mediave sot se për momentin sistemi është i mbrojtur dhe asnjë bankë që operon në Shqipëri nuk ka transferuar para jashtë.
“Kemi lëshuar një urdhër për kufizimin e transferimit të kapitalit drejt bankave mëmë dhe deri tani nuk është transferuar asnjë lekë jashtë”, tha Sejko.
Lidhur me rritjen ekonomike Sejko tha se do të jetë më e ulët nga pritshmëritë.
