Fshati Visokë në komunën Qendër në rrethin e Mallakastrës duket se është i dënuar të vuajë mungesën e ujit.
Prej rreth një shekulli Visoka është pa Ujësjellës, duke vështirësuar jetën e rreth 2000 banorëve të këtij fshati, të cilët duhet për përshkojnë kilometra për të siguruar ujë nga burimet natyrore.
Shumë familje kanë arritur të shpojnë puse deri në 200 metra, e përsëri uji nuk është i pijshëm pasi del gaz, naftë dhe solar.
Banorët pohojnë se deputetë e kryekomunarë kanë ardhur e kanë ikur me premtimet se Ujësjellësi do të ndërtohet, por realiteti për ta nuk ka ndryshuar.
Edhe kryeplaku i fshatit, Batjar Ramaj, tregon se shumë familje kanë shpuar puse, por jo gjithnjë uji është i pijshëm.
Fshati Visoka është i ndërtuar në një kodër në të majtë të rrugës nacionale Patos -Ballsh dhe ka rreth 2000 banorë të cilët vuajnë mungesën e ujit.
Në çdo prag zgjedhjesh premtimet për ndërtimin e një Ujësjellësi nuk kanë munguar nga asnjë forcë politike, ndërsa kërkojnë votën e rreth 900 votuesve.