Forcat e xhenios të ushtrisë do të bëjnë sot me shpërthim të kontrolluar shëmbjen e godinës 5-katëshe te Fakulteti Ekonomik.
Kjo godinë është ndërtuar në oborrin e fakultetit dhe ka pasur protesta dhe kundërshtime të shumta për ndërtimin e saj.
Xheniot kanë vendosur kallëpë eksplozivi në kollonat e saj dhe pritet që të shëmbet rreth mesditës.
Ky është objekti i dytë që prishet në harkuan kohor të 1 viti në zonën përreth fakultetit Ekonomik, teksa një vit më parë ka pasur protesta dhe nga studentët e fakultetit si dhe administrata për prishjen e pallatit pasi sipas tyre pengonte ecurinë normale të fakultetit.
