Policia e Kukësit nuk ka lejuar që disa aktivistë të shoqërisë civile në këtë qytet të zhvillojnë një protestë për faljen e kamatvonesave të energjisë elektrike.
Protestuesit kishin lajmëruar se do të bllokonin edhe Rrugën e Kombit.
Mes protestuesve dhe forcave blu ka pasur edhe përplasje.
Raportohet se policia ka ndaluar organizatorin e kësaj proteste, Nderim Lushi, bashkë me një aktivist tjetër.
Lushi ishte edhe në emisionin Zonë e Lirë, ku paralajmëroi bllokimin e Rrugës së Kombit.