Basha: Qeveria rilindi kriminelët

Shqipëria

Basha: Qeveria rilindi kriminelët

Më: 3 maj 2015 Në ora: 13:29

Kreu i PD Lulzim Basha ka prezantuar ditën e sotme në Lezhë kandidatin e të djathtës Fran Frrokaj.

Ai ka përsëritur sot besimin se në 21 qershor populli do t’i japë përgjigjen e duhur dyshes Rama-Meta.

Basha deklaroi se ky qytet nuk meriton dhe nuk duhet të drejtohet nga Gjiri i Lalzit dhe populli do të ndëshkojë sundimtarët.

“Padurimi për ti dhënë përgjigjen e merituar dyshes Rama-Meta me 21 qershor vjen nga keqqeverisja dhe nga varfëria ku e kanë zhytur vendin.

Premtuan parajsën por e kanë kthyer vendin shumë prapa. Me arrogancën e tyre shtynë drejt vetëvrasjes kryefamiljarë.

Sot shumica e shqiptarëve marrin borxh për të siguruar bukën e fëmijës, mijëra familje kanë emigruar pasi nuk shohin asnjë shprese.

Te vetmit që rilindën janë kriminelët që u promovuan në postet më të larta dhe qeveritare që mbushën xhepat me lekët e shqiptarëve”, tha Basha.

Sot mund të lexoni Shfletoni kopertinat