Zëvendëskryeministri Niko Peleshi reagoi lidhur me deklaratën e ambasadorit amerikan, Donald Lu, se disa prej kandidatëve të zgjedhjeve lokale mund të kenë të kaluar kriminale.
Peleshi u shpreh për mediat pas mbledhjes së grupit të Partisë Socialiste, duke thënë se deklaratat e ambasadorit Lu do të shihen me rigorozitet.
Në të njëjtën kohë, ministri i Drejtësisë siguroi se do të verifikohet pastërtia e kandidatëve, që do garojnë në zgjedhjet e 21 qershorit.
“Do shohim me rigorozitet deklaratën e Ambasadës së SHBA-së. Ka proces për të verifikuar pastërtinë e kandidatit. Kemi treguar shqetësim për integritetin e kandidatëve”, tha Peleshi.
Ambasadori amerikan në Tiranë, Donald Lu, deklaroi ditën e sotme se janë identifikuar disa emra politikanësh me histori të mundshme kriminale.