Kryeparlamentari Ilir Meta ka deklaruar nga konferenca e BE për kryeparlamentarët në Romë se po kryhet një veprimtari kriminale me emigrantët.
Meta ka qenë pjesë e kësaj konference pasi Shqipëria është një vend kandidat për në BE.
Fjalimi i Metës u përqendrua në tragjeditë e fundit ku më shumë se 1 mijë emigrantë u mbytën.
Gjatë fjalës së tij ai deklaroi se me klandestinët po ndodhin veprimtari kriminale ndaj duhet forcuar bashkëpunimi mes shteteve si një element i rëndësishëm i parandalimit të këtyre ngjarjeve me një bilanc të dhimbshëm të humbjeve të njerëzve.
Meta kërkoi bashkëpunim për të luftuar nismat kriminale në Mesdhe.