Operatori i Shpërndarjes së Energjisë Elektrike ka miratuar një skemë të re për shlyerjen e faturave të prapambetura, pas mbylljes më 31 mars të skemës së parë.
OSHEE-ja ndërpreu kontratat me rreth 5 mijë debitorë për shlyerjen me këste të borxheve që kishin ndaj institucionit për energjinë.
Shkak për këtë penalizim është bërë mosrespektimi i afateve kohore, siç e parashikonte kontrata.
Por, me marrëveshjen e re, abonentët nuk kanë mundësi të përfitojnë 80% falje të kamatvonesës, por 50% të saj. Shtrirja në kohë e pagesës do të jenë në varësi të shumës së borxhit e ndarë në katër modele.
Në vetëm dy ditë që ka marrë zbatim kjo skemë, janë lidhur 260 akt – marrëveshje.
Paralelisht me skemën për abonentët familjarë, po aplikohet edhe skema e pagesës me këste nga bizneset, ku nga janë lidhur mbi 5 mijë kontrata.