Kryeministri Rama ka qenë dje në Shkodër ku ka takuar strukturat e Partisë Socialiste si dhe ka zyrtarizuar Keti Bazhdarin si kandidate të PS për bashkinë e Shkodrës.
Rama është kthyer edhe një herë të flasë për çështjen “Doshi”.
Rama tha se nuk do të ketë hakmarrje ndaj përkrahësve të deputetit Doshi, por mësohet ndërkohë që Ministria e Shëndetësisë ka shkarkuar drejtorin e spitalit në Shkodër, Tonin Marku.
Marku njihet për miqësinë me deputetin Tom Doshi dhe është një mbështetës i tij.
Ai është shkarkuar me motivacionin se kishte “performancë të dobët”.
Më herët janë shkarkuar edhe dy drejtorë të OSHEE që njiheshin si mbështetës të deputetit Doshi.
