Dy zyrtarët e Interpol Tirana që mbajtën të fshehtë dy urdhër-arrestet të ardhura nga Belgjika për deputetin Mark Frroku, dolëm sot para gjykatës, ku u njohën me masën e sigurisë, detyrim paraqitje dhe pezullim nga detyra.
Gjykata vendosi sot masën e sigurisë, “Detyrim paraqitje” e “pezullim nga detyra” të drejtorit të Interpolit Tiranë, Artan Bajraktari. E njëjta masë sigurie u vendos edhe për oficeren Laureta Alla.
Artan Bajraktari, shefi i Interpol Tirana dhe Loreta Alla, specialiste pranë këtij institucioni, akuzohen për shpërdorim detyre pasi mbajtën të fshehtë dy urdhër-arreste të mbërritura nga Belgjika për deputetin Mark Frroku, në lidhje me akuzën e ngritur ndaj tij për vrasje në bashkëpunim të shtetasit Aleksandër Kurti në vitin 1999 në Bruksel.
Urdhër-arrestet ndërkombëtare, të firmosura nga Interpol Brukseli, kishin ardhur në 8 dhe 23 janar të këtij viti, por kjo zyrë nuk i ka përcjellë shkresat në kohën e duhur pranë Prokurorisë së Përgjithshme, duke e bërë këtë gjë vetëm me 27 mars.