Një ditë pas nënshkrimit të marrëveshjes për koalicion zgjedhor me partinë socialiste, kanë ardhur edhe reagimet e para kundërshtuese nga eksponentë të lartë të Partisë për Drejtësi Integrim dhe Unitet.
Deputeti i kësaj force politike Dashamir Tahiri duket se nuk e ka mirëpritur këtë marrëveshje politike, për të cilën tha se së pari duhet të pyetet baza për vendime të tilla.
Deputeti Tahiri nuk është I vetmi deputet nga radhët e PDIU që kundërshton kalimin në kahun e majtë, por mbështetet edhe nga deputeti Tahir Muhedini, madje para nënshkrimit të marrëveshjes Dashamir Tahiri ka konfirmuar qëndrimin e tij si pjesë e së djathtës, i votuar nga elektorati për të qenë në parlamentin shqiptar.
