Agjensia e lajmeve Reuters ka shkruar një artikull rreth arrestimit të dy deputetëve pasi akuzuan Kryetarin e Kuvendit për komplot vrasjeje.
Sipas gjigantit mediatik, shteti anëtar i NATO-s ka patur si protagonistë cdo ditë në televizor dhe media sociale kërkesat, paditë dhe kundërpaditë e deputetëve dhe zyrtarëve më të lartë të shtetit.
I akuzuari, z. Ilir Meta, ka mohuar cdo akuzë duke i konsideruar ato si të motivuara politikisht. Reuters ka cituar gjithashtu edhe deklaratën e Kryetarit të Kuvendit, sipas së cilit: “Doshi duhet të shohë një psikiatër për halucinacionet e tij”.
Në shkrim u nënvizuan edhe protestat e vazhdueshme të Partisë Demokratike ku kërkohet dorëheqja e Metës.
Në fund të artikullit theksohet se deputeti Doshi, vazhdoi t’i qëndronte besnik versionit të tij të historisë edhe pasi forcat e policisë e arrestuan në banesën e tij.