Kryetari i PD-së, Lulzim Basha ka kërkuar sërish largimin e Ilir Metës nga drejtimi i Kuvendit. Me anë të një konference për median, Basha tha se pa u larguar Meta nga kreu i Kuvendit nuk ka hetim.
Basha tha gjithashtu se dy pushtetet, ekzekutivi dhe legjislativi janë bërë bashkë për ti bërë bllok hetimit.
“Dorëheqja e Ilir Metës është parakushti për hetimin e kësaj çështje.
Por siç e di i madh e i vogël, dy pushtetet, ekzekutivi i Ramës dhe legjislativi i Metës janë bërë bllokur kundër hetimit.
Dyshja Meta-Rama por bëjnë çfarë është e mundur që shqiptarët të mos marrin vesh se çfarë po ndodh.
Janë ata Rama e Meta që i kanë manipuluar dëshminë.
Rama-Meta janë në ankth pas deklarimeve të superdeputetit, mikut të tyre për kokë dhe kanë përhapur informacione të rreme në media për të manipuluar opinionin publik.
Nuk e kam takuar asnjëherë vrasësin që kishte marrë porosi për të dy deputetët, thotë drejtori i policisë, ministri i brendshëm e përgënjeshtron.
Ministri i Brendshëm del dhe e thotë me krenari se e ka takuar atentatorin.
Sot ministri i Brendshëm mori certefikimin nga kryeministri i tij se ka qenë në rregull që prej 6 muajsh nuk ka arrestuar atentatorin.
Rama e Meta po i thonë prokurorisë që mos u lodhni sepse vendimi është marrë nga ata.
Por PD-ja nuk do të ndalojë dhe të zbardhë përfundimisht këtë çështje.
Parakush është dorëheqja e Ilir Metës”, tha Basha gjatë fjalës së tij.