Kreu i Kuvendit të Shqipërisë, Ilir Meta ka firmosur mocionin e nisur nga Partia Demokratike për shkarkimin e tij nga detyra e kryeparlamentarit.
Vendimi i marrë në mbledhjen e kryesisë së PD-së për të mbledhur firmat për shkarkimin e Ilir Metës, duket se do të marrë jetë pasi vetë kreu i Kuvendit e ka pranuar këtë mocion.
Gjatë diskutimeve të djeshme në mbledhjen e grupit të PD-së, deputetët kërkuan që kreu i Kuvendit të heqë dorë nga detyra e tij, dhe të zbardhen akuzat e deputetit Doshi, i cili pretendon se Meta ka tentuar ta vrasë atë.
Po në këtë mbledhje u mblodhën firmat për t’ia paraqitur këtë mocion Kuvendit të Shqipërisë. Pas dorëzimit të kërkesës, Meta nuk ka hezituar që të firmosë për të hedhur në votim propozimin e opozitës për shkarkimin tij.
