Edi Rama dhe Ilir Meta arritën të mbyllnin me sukses negociatat, në lidhje me zgjedhjet vendore të 21 qershorit të 2015-ës. Dy krerët e partive politike të mazhorancës kanë mbyllur marrëveshjen për ndarjen e posteve të bashkive.
Nën siglën e së majtës në Bashkinë Lezhe pritet rikandidimi i Viktor Tushajt, i cili prej dy mandatesh e drejton këtë njësi vendore. Mandatin e fundit ai e fitoi bashkinë pas koalicionit që Lëvizja Socialiste për Integrim bëri më Partinë Demokratike, asokohe në pushtet.
Edhe në Bashkinë Kukës pritet rikandidimi i Hasan Halilajt, i cili tashmë nën siglën e Lëvizjes socialist për integrim kërkon një mandat të tretë për drejtimin kësaj njësie vendore.
Hasan Halilaj është zgjedhur për dy mandate kreu i Bashkisë Kukës nën siglën e Partisë Demokratike, ndërsa dy vite më parë ai vendosi të braktistë PD për t'ju bashkangjitur LSI-së.
PS do të vendosë kandidatët e saj në 37 bashki, ndër të cilat Tirana, Durrësi, Elbasani, Korça, Shkodra, Vlora, Sarandë, Himarë etj. Kurse LSI do të ketë si bashki kryesore: Beratin, Lezhën, Kukësin, Gjirokastrën, Lushnjen, Pukën dhe Krujën .
Negociatat përfunduan pas një sërë diskutimesh, ku kërkesa kryesore ishte Fieri, të cilin e kërkonte LSI-ja dhe në pikëpyetje kishin mbetur Shkodra dhe Vlora.
Një pjesë e bashkive të mbetura do t'u lihen PBDNJ-së dhe PDIU-së. Deri më tani mendohet që PBDNJ do ketë Dropullin dhe Finiqin, kurse PDIU-ja Konispolin dhe Rrogozhinën.
Bashkitë me kandidatë të PS-së
Tiranë, Durrës, Fier, Malësi e Madhe, Shkodër, Tropojë, Fushë-Arrëz, Has, Klos, Kurbin, Mat, Mirditë, Shijak, Kamzë, Kavajë, Elbasan, Peqin, Librazhd, Gramsh, Belsh, Divjakë, Ura Vajgurore, Poliçan, Patos, Mallakastër, Roskovec, Tepelenë, Përmet, Këlcyrë, Korçë, Devoll, Maliq, Kolonjë, Libohovë, Vlorë, Himarë, Sarandë
Bashkitë me kandidatë të LSI-së
Berat, Lezhë, Kukës, Gjirokastër, Lushnje, Pogradec, Skrapar, Kuçovë, Patos, Krujë, Cërrik, Pukë, Bulqizë, Vau i Dejës, Delvinë, Selenicë, Vorë, Përrenjas
