Policia e Shtetit iu bën thirrje të gjithë atyre qytetarëve që kanë planifikuar të udhëtojnë në drejtim të qyteteve të jugut , të anullojnë lëvizjet , pasi prurjet e mëdha të lumenjve dhe përrenjëve , rrezikojnë bllokimin e akseve rrugore nacionale.
Njëkohësisht kërkon mirkuptimin e të gjithë drejtuesve të mjeteve për të zbatuar kërkesat ligjore, të bashkëpunojnë me patrullat e policisë rrugore dhe asaj të rendit në territor për të bërë të mundur evitimin e bllokimeve dhe normalizimin e situatës me qëllim shmangien e ngjarjeve aksidentale.
Si pasojë e vijimit të motit të keq , në disa qarqe të vendit kemi këtë situatë :
Në Qarkun Gjirokastër:
Akset rrugore nacionale janë të kalueshme për momentin, rrezikon dalja e ujit në rrugë në vendin e quajtir Kthesa e Viroit në hyrje të qytetit Gjirokastër.
Si pasojë e daljes së lumit Drinio nga shtrati është bllokuar aksi rrugor rural Gjirokastër Lunxhëri.
Si dhe është bllokuar aksi rrugor Libohovë –Sofratikë.
Ne Memaliaj tek rrepet e Memaliaj , në lokalin e quajtur 1 Maji , është bllokuar roja i lokalit nga prurjet e mëdha të lumit Vjosë.
Forcate policisë dhe të zjarrfikëses kanë bërë përpjekie për ta nxjerrë por s’kanë mundur dot për shkak të prurjeve të mëdha të lumit Vjosë.
Për nxjerrjen e tij nga lokali do niset një helikopter , pasi vetëm nga ajëri mund të realizohet nxjerrja e tij. Gjendja e rojes së lokalit është e mirë pasi ka hipur në pjesën e sipërme të lokalit dhe nuk rrezikohet për momentin.
Në Përmet , aksi rrugor Përmet Çarshovë është i bllokuar në vendin e quajtur Badlonjë pasi lumi vjosë ka dalë rreth dy metra në rrugë.
Aksi Rrugor Tepelenë – Përmet është i bllokuar në vendin e quajtur Dragot , pasi lumi Vjosë ka dalë në rrugë.
Në qarkun Berat:
Si pasojë e daljes nga shtrati të lumit Osum ka përmbytje te tokave. Rruga e Skraparit midis Bogoves e Pronovikut është e bllokuar nga rreshqitet e dheut.
Ne qytetin e Skraparit është e pa kalueshme Ura e pazarit që lidh 6 fashtra , pasi uji ka dalë mbi urë . Ne Urën Vajgurore dy familje janë evakuuar nga forcat speciale me varka .
Në qarkun Vlorë :
Forcat Speciale kanë evakuuar 14 familje në zonën e Novoselës në fshatin Fitore . Aksi Selenicë Vlorë në vendin e quajtur bishti i malit është i bllokuar nga prurjet e mëdha të lumit Vjosë. Aksi rrugor që të çon në komunën Vllahinë është ë bllokuar nga rrëshqitjet e dheut.
Në Qarkun Fier:
Si pasojë e prurjeve të mëdha të Gjanicës në dy lagje të qytetit Fier , në lagjen 1 Maj dhe Sheq,në rreth 150 banesa e biznese është futur uji brenda.
Në komunën Cakran ka përmbytje të tokave.
Ne fshatin Çerven të komunës Frakull janë përmbytur 6 banesa, ku banorët janë evakuuar nga Policia , si dhe janë dhe rreth 50 banesa të tjera të rrethuara nga uji.
Policia dhe grupi i emergjencave po bëjnë evakuimin e banorëve dhë të gjësë së gjallë.
Ne fshatin Feras të komunës Levan në rreth 50 banesa po hyn uji brenda . Forcat e Policisë po evakuojnë banorët dhe gjënë e gjallë.
Për shkak të situatës së krijuar në Drejtorinë e Përgjithshme të Policisë së Shtetit është ngritur dhe funksionom Shtabi i emergjenës.
Në ndihmë të banorëve në zonat e rrezikuara nga prurjet e mëdha të lumenjve e përrenjëve janë angazhuar të gjitha forcat e Lëvizshme Operacionale të Drejtorisë së Përgjithshme të Policisë së Shtetit , si dhe kanë kaluar në gadishmëri të plotë , efektivat e Policisë në Drejtoritë e Policisë së Qarkut Gjirokastër, Fier, Vlorë e Berat.