Në ditët e para të shërbimit të tij në Shqipëri, ambasadori i Shteteve të Bashkuara të Amerikës Donald Lu, zgjodhi ambientet e Muzeut Historik Kombëtar “ Gjergj Kastrioti Skënderbeu” dhe Muzeun Etnografik, në Krujë, për t’u njohur me historinë e popullit shqiptar.
Së bashku me familjen e tij, Lu gjatë kësaj vizite, u shoqërua nga specialistët e muzeut, të cilët i treguan gjithçka lidhur me objektet, dokumentet apo edhe bibliografitë origjinale, që flasin qartë për historinë e popullit shqiptar të shekullit XV e më gjerë.
