Operatori i Shpërndarjes së Energjisë Elektrike (OSHEE) njofton se qendrat e Kujdesit ndaj Klientit (KNK) si dhe sportelet e pagesës së faturave të energjisë elektrike do të jenë të hapura edhe ditën e sotme, më datën 25 dhjetor.
Pavarësisht ditës festive, OSHEE njofton se do të vijojë normalisht punën, për t’iu gjendur pranë abonentëve të saj dhe konsumatorëve të energjisë elektrike, në lidhje me ankesat dhe pagesat e faturave. Gjithashtu, në gatishmëri do të jenë të gjithë grupet e punës, përfshi edhe ata të kontrollit, të cilët do të vijojnë verifikimet në terren për lidhjet e paligjshme.
OSHEE njofton se po vijon me zgjerimin e sporteleve të shërbimit, ku deri më tani për muajin dhjetor, janë hapur 11 qendra të reja të Kujdesit ndaj Klientit, si dhe po planifikohen edhe 21 të tjera, në rang vendi.