Një ditë pasi ndërroi jetë në aksidentin tragjik në autostradën Tiranë – Durrës, vijnë edhe pamjet e para nga vendi i ngjarjes ku Atjon Zhiti ndërroi jetë.
19-vjeçari, djali i poetit të njohur Visar Zhiti, ishte student për filozofi që prej vitit 2013 në Universitetin “Sacro Cuore” në Milano.
Atjoni u përplas me trafikndarëset teksa udhëtonte me motor me një shokun e tij dhe nga hetimet e para të policisë rrugore rezulton se shkak i aksidentit ka qenë shpejtësia e madhe.
Motorin e drejtonte shoku i tij Serxhio Matiani, i cili është në gjendje të rëndë. Sipas policisë 19-vjeçari Atjon Zhiti nuk kishte vënë skafandër.
Ai ishte djali i vetëm i Visar Zhitit, një ndër shkrimtarët e njohur që u persekutua dhe u burgos nga diktatura komuniste.
Fotot nga vendi i ngjarjes janë publikuar nga “Shqiptarja” një ditë pas aksidentit.
