Rinisi mëngjesin e sotëm aksioni i INUK në kryeqytet, për prishjen e ndërtimeve pa leje dhe lirimin e hapësirave publike.
Inspektoriati Ndërtimor Urbanistik Kombëtar edhe ditën e sotme do vazhdojë aksionin në zonën e Unazës së Re, saktësisht nga rrethrrotullimi i Doganës dhe deri tek Pallati me Shigjeta.
INUK nisi disa ditë më parë aksionin për prishjen e ndërtimeve të paligjshme në këtë zonë, ndërkohë që nuk raportohen përplasje mes pronarëve dhe qytetarëve.
INUK ka kërkuar mirëkuptimin dhe bashkëpunimin e qytetarëve në aksionin e ndërmarrë, i cili siç thekson ky institucion, ka për qëllim vendosjen e ligjshmërisë në territor.
