Inspektorati Ndërtimor Urbanistik Kombëtar, në kuadër të lirimit të hapësirave publike, ka nisur sot një aksion në “Rrugën e Durrësit”. Aksioni pritet të vazhdojë gjatë gjithë ditës së sotme.
INUK do të vazhdojë aksionin gjithashtu edhe në rrugën “Kont Bergoli”, në afërsi të zonës së “Brrylit”, për lirimin e hapësirave publike.
Një pjesë e mirë e këtyre hapësirave janë të bllokuara nga ndërtimet pa leje. Sipas Inspektoratit Ndërtimor Urbanistik Kombëtar qëllimi i të gjitha këtyre ndërhyrjeve është çlirimi i hapësirave publike dhe vendosja e ligjshmërisë.
