Eurodeputetja Doris Pack nga Shkodra ka bërë një thirrje për politikanët shqiptarë me qëllim ndryshimin e imazhit të Shqipërisë. Sipas saj, media shqiptare paraqet një panoramë aspak të favorshme për liderët politikë në vend.
Pack u kërkoi politikanëve shqiptarë që të ndihmojnë në ndryshimin e imazhit të vendit dhe duhet pasur kujdes me imazhin që Shqipëria shfaq jashtë.
Gjatë një takimi me kryetarin e Bashkisë së Shkodrës, eurodeputetja tha se Shkodra është larg Shqipërisë së betonizuar dhe është më pranë fytyrës së vërtetë të Shqipërisë.
