Ashtu siç u paralajmërua pas mbledhjes së grupit parlamentar të PS, shkarkimi i Guvernatorit të Bankës së Shqipërisë Ardian Fullani dhe i Inspektores së Përgjithshme Elivar Golemi, do të jenë sot në rendin e ditës të Kuvendit.
Dita e enjte e gjen Guvernatorin Fullani në “arrest shtëpie”, një vendim i marrë nga Gjykata e Apelit, ndërsa Golemin në burgun 313 pas refuzimit nga Apeli të ndryshimit të masës së dhënë nga Gjykata e Shkallës së Parë “arrest me burg”.
Kuvendi ka publikuar rendin e ditës, ku shkarkimi i Guvernatorit renditet në pikën e shtatë e tij e pasuar dhe nga kërkesa për shkarkimin e Inspektores së Përgjithshme të Bankës, Elivar Golemi.
Votimi është parashikuar të paraprihet nga një raport i paraqitur nga Komisioni i Ekonomisë ku do të argumentohet kërkesa për shkarkimin e Fullanit dhe Golemit.
Disa nga projektligjet që do të merren në shqyrtim sot janë:
-Projektligji për “Të drejtën e informimit”
-Projektligji për “Mbrojtjen e të dhënave personale”
-Projektligji për “Azilin në Republikën e Shqipërisë”
-Projektligji për “Prokurimin publik”
