Ministri i Punëve të Jashtme, Ditmir Bushati ka pritur sot në një vizitë Ministrin e Punëve të Jashtme të Kanadasë, John Baird.
Gjatë takimit, Bushati ka vlerësuar rëndësinë e vizitës së Baird si Ministri parë i Jashtëm i Kanadasë që viziton Tiranën.
Gjithashtu, ai ka shprehur mirënjohje për rolin mbështetës që Kanadaja i ka dhënë dhe po i jep Shqipërisë, si në kuadër të NATO-s, ashtu edhe në planin e bashkëpunimit dypalësh, veçanërisht në fushën e investimeve, ku Kanadaja është aktualisht investitori i parë me kapitalin më të madh të investuar në Shqipëri. A.M
