Presidenti i Republikës riktheu për rishyqrtim në Kuvend ligjin per ndarjen e re administrative territoriale të vendit. Në arsyetimin e tij bashkangjitur dekretit, kreu i shtetit thotë se kjo reforme është e vonuar, pasi është një cështje madhore kombëtare me ndikim në jetën e qytetarëve dhe zhvillimin e vendit, si dhe me sigurinë kombëtare. Por ai shpreh keqardhje se gjatë procesit të hartimit të ndarjes administrativo-territoriale të njësive të qeverisjes vendore, është keqzbatuar neni 108, pika 2 e Kushtetutës së Shqipërisë, e cila qartazi përcakton se kufijtë e njësive të qeverisjes vendore nuk mund të ndryshohen pa u marrë më parë mendimi i popullsisë që banon në to. Nga informacionet e administruara thuhet ne shpjegimet e presidentit rezulton se kufijtë e njësive të qeverisjes vendore jane ndryshuar pa marrë aspak mendimin e popullsisë që banon në to, ose në rastin më të mirë dhe më të rrallë, ky mendim është marrë në mënyrë të përciptë. Nje tjeter verejtje e bere per ligjin eshte se sa më shumë të ulet numri i njësive të qeverisjes vendore dhe sa më të mëdha të bëhen ato, aq më shumë cenohen parimet e decentralizimit të pushtetit vendor dhe autonomisë vendore. Po ashtu Presidenti kerkon qe reforma e ndarjes administrativo-territoriale duhej të ishte paraprirë medoemos me përshtatjet e duhura në kuadrin ligjor i cili rregullon organizimin dhe funksionimin e njësive vendore. Ne perfundim kreu i shtetit shkruan se mosrespektimi i dispozitave kushtetuese të lartpërmendura si dhe mospërputhjet midis ligjeve brenda të njëjtit sistemi ligjor e bëjnë të padiskutueshëm nevojën e rishqyrtimit të këtij ligji nga deputetet, pasi sipas Nishanit ky ligj shkel parimet kushtetuese të shtetit të së drejtës, decentralizimit të pushtetit vendor dhe të autonomisë vendore.
