Presidenti i Republikës, Bujar Nishani, dekreton lirimin nga detyra të katër ambasadorëve.
Në faqen e Presidencës publikohen dhe dekretet respektive që njoftojnë lirimin nga detyra të Sami Shiba, Ambasador i Republikës së Shqipërisë në Republikën e Rumanisë, rezident; lirimin e Ilir Tepelena nga detyra e Ambasadorit në Mbretërinë e Belgjikës, rezident dhe në Dukatin e Madh të Luksemburgut, jorezident.
Gjithashtu, Kreu i Shtetit ka dekretuar dhe lirimin nga detyra të Kastriot Robo, Ambasador në Mbretërinë e Spanjës, rezident dhe në Mbretërinë e Marokut dhe në Republikën Islamike të Mauritanisë, jorezident.
Po ashtu, Presidenti Nishani dekretoi lirimin nga detyra të Arben Cici, Ambasador në Mbretërinë e Danimarkës.
